草蜢仔：師父，死喇！自從同恆山派嘅師妹去完香港自遊化緣返嚟，我發覺我開始對佢有好感呀！
師父：罪過罪過，草蜢仔，你年少氣盛，血氣方剛，原亦難怪。你唔係同師妹示愛吖嘛！
草蜢仔：師父，無呀，手仔都無拖過架我！我係響香港見到位位女施主都係短褲仔低胸小背心，都唔會望師妹喇！
師父：善哉善哉，草蜢仔，咁你有無向香港女施主化緣吖？
＊＊＊
草蜢仔：師父，我真係無用嘞，我已經係同恆山派嘅師妹好專業咁去化緣，問過好多香港女施主，佢地唔肯布施呀！
師父：草蜢仔，你係咪問親都肯指定某某髮型、某某高度、某某三圍嘅女施主呢，咁化緣法，當然會有困難喇！
草蜢仔：師父，咁點算好呀？
師父：善哉善哉，草蜢仔，你不如先搵香港男施主化緣喇！
＊＊＊
草蜢仔：師父，我今次終於可以響香港化到緣喇！
師父：善哉善哉，係男女施主定女施主呀？
草蜢仔：師父，係個樣有啲似財主嘅男嘅推銷員。我見佢好似好孤獨咁響屋企餵錦鯉，我咪走去同佢化緣囉！點知佢禮手就俾咗呢個「非離譜」慳電膽我。
師父：草蜢仔，我地寺係點蠟燭架！
＊＊＊
草蜢仔：師父，我響香港陪恆山派嘅師妹去買內衣，個女推銷員話師妹係34D；師妹話唔係，佢只係31B；但係個女推銷員就話佢地嘅內衣size 30之後就係34，A之後就係D。師父，我唔明呀，點解會咁嘅？
師父：罪過罪過，草蜢仔，你已經犯咗淫戒，快啲去戒律院領罰！
2009/10/22 00:31:59
